Londër, 6 Mars NOA – Shakaja e katër djemve në një nga lagjet e Londrës ka përfunduar në një nga mënyrat më të paparashikueshme. Katër djem, për të bërë argëtuese një mbrëmje të mërzitshme, kanë telefonuar në një piceri dhe kanë porositur normalisht pica dhe pije, por në fund kanë shtuar: "duam dy pica me fekale dhe 4 testikuj demi të skuqur”.

Pasi mbaruan telefonatën djemtë kanë menduar se historia kishte përfunduar aty. Por menaxheri i picerisë, për të lehtësuar ofrimin e shërbimeve, përdorte një aparat për të lokalizuar vendndodhjen e thirrjeve telefonike.

Pas gjysmë ore, djemtë kanë dëgjuar të trokitura në derë dhe kanë ngelur të shtangur kur kanë parë furnitorin e picerisë, i cili pasi u sigurua për adresën i ka përplasur në fytyrë njërit prej djemve picën me fekale dhe ka kërkuar falje për mungesën e katër testikujve.

Historia përfundoi me denoncimin e menaxherit të picerisë në polici. Për shkak të ngjarjes dhe famës që mori emri i picerisë  My sweet Speedy pizza "ndryshoi” në My sweet Shitty pizza.