Nënkryetari i KLD-së, Kreshnik Spahiu kritikoi ashpër gjyqtarët e Elbasanit për zvarritjen e proceseve gjyqësore.Spahiu i bëri kritikat gjatë analizës vjetore të Gjykatës së Faktit në Elbasan ku ishte të enjten i pranishëm.
Nënkryetari i KLD-së vlerësoi se infrastruktura gjyqësore është në kushte të mjerueshme dhe theksoi se shumë shpejt do të bëhen ndryshime në kodin e procedurës penale.
"Nga vlerësimi që KLD ka bërë nga inspektimet së bashku me Ministrinë e Drejtësisë në këtë gjykatë janë vënë re zvarritje të proceseve gjyqësore, ku nuk respektohen oraret e tyre. Gjyqtarët punojnë si pedagogë të jashtëm nëpër universitete, duke shkaktuar edhe mosrespektim të orareve. Do ndryshojmë kodin e procedurës penale”, tha Spahiu. /Telegrafi/